Feature: Plaub ntug social media

Meta/Youtube court case verdict reactions in Los Angeles

Tej lus tawm tswv yim ntawm tej cuab yig uas muaj tej tub koom siab ntawm lawv tsev neeg tua tus kheej vim quav cov kev siv social media tom qab tau muaj ib pag neeg txiav txim plaub ntug txheeb tau tias Meta thiab YouTube yuav tau ris tej xeem txheej no ntawm Los Angeles Superior Court Source: AAP / Ted Soqui/EPA

SBS Hmong

View Podcast Series

Follow and Subscribe

Download the SBS Audio appAvailable on iOS and Android

Ob lub tuam txhab technology loj li Meta thiab Google raug ib pab neeg pab mus txheeb thiab txiav txim plaub ntug ntawm Meskas txheeb tau tias tau ua txhaum tsab cai Unfair Practices Act thiab lawv yuav tau lees ris tej xwm txheej teeb meem uas lawv tej social media platforms tau tsim rau tej me nyuam yaus thiab tej hluas.

Mloog tau SBS Hmong ntawm no.

Tau muaj ib pab neeg mus koom txheeb thiab txiav txim plaub ntug tau txheeb tau tias Meta uas yog tus tswv Facebook thiab Instagram tau ua rau muaj kev nyuaj siab ntxhov plawv rau tej me nyuam haus thiab zais npog tsis qhia qhov tseeb txog lawv tej social media platforms no raug siv ua cov child sexual exploitation.

YouTube tej social media platform li YouTube thiab Facebook ua rau tej me nyuam yaus quav saib/siv thiab ua rau muaj teeb meem nyuaj siab ntxhov plawv thiab ua rau lawv txov txo tus kheej txoj sia. Yog li ntawd tej tuam txhab no yuav tsum tau lees ris ntau txheeb cov xwm txheej no, ua ib co twg yuav raug nplua nyiaj txog li AUD$540 million. Thiab tseem yuav los txiav txim rau txim rau cov kev ua txhaum no tom qab ntxiv tuaj.

Ua ke no los tseem muaj rooj plaub ob ntawm California tau muab Meta nplua AUD$ 6 million thiab Google nplua AUD$2.6 million vim tsim teeb meem puas tsuaj rau lwm tus thiab, uas yuam tsab cai ua txhaum tsab cai Unfair Practices Act vim lawv pheej cia lawv tej platform ua cov child sexual eploitation and pheem tsim tej content uas ua rau tej neeg quav saib thiab ua rau tej hluas nyuaj siab ntxhov plawv, lawv yeej tsis kub siab txog cov kev nyab xeeb rau tej me nyuam yaus thiab tej hluas thiab tsuas ua kom lawv tau nyiaj xwb' raws li Bryan Biedscheid uas yog tus kws lij choj txiav txim rooj plaub no hais.

Tab sis Meta thiab Google hais tias nkawv yeej yuav mus hais kom thim cov kev txiav txim no, thiab ua ke no los Google hais tias tsis yog nws tab sis yog YouTube ua tus tsim thiab tswj lub social media platform no xwb.

''Tej xwm txheej no thiaj tau ua rau ntau lub teb chaws hauv ntiaj teb no tab tom soj Australia cov kev txwv tsis pub tej me nyuam yaus thiab tej hluas hnoob nyoog qes dua 16 xyoo qhib tej social media account siv. Thiab kuj pom tias zoo li tej nom tswv tig los tswj cov kev siv tej social media platforms no nruj tuaj ntxiv thiab yuam kom tej technology companies no yuav tau tswj tias pub leej twg siv, pub tso tej content dab tsi rau ntawm lawv tej platforms xwb, thiab xyuas kom tej platforms muaj peev xwm tswj tau tej contents no ntau tuaj ntxiv, thiab kho ntau yam kom tej contents no tsis txhob ua rau tej neeg saib lawm pheej quav li tau tshwm sim yav tag los'' raws li Stephen Scheeder uas yog tus coj Facebook ntawm Australia thiab New Zealand dhau los tau hais.