Northern Territory tej tsev laj cuj; Australia cov kev teev ntau cov YouTube channel; daws teeb meem kub ntxhov ntawm Victoria; tej hluas thiab kev tswj hwm democracy; Iran thiab Meskas cov kev sib tawm tsam; Russia tej tsov rog ntawm Ukraine; cov kev kho NDIS; tsab ntawv cej luam txog cov kev twv txiaj yuam pov; pab nom Nationals thiab tsab cai txwv tsis pub rho me nyuam; South Australia cov kev yuav phom rov qab; tsoom fwv teb chaws Australia yuav xyuas kom tej tuam txhab social media lees ris tej teeb meem online scams; Nplog tus coj cov kev mus xyuas tej neeg Nplog raug xa rov qab kom npaj thiab pib lawv lub neej hauv Nplog teb; Thaib tus coj mus xyua xeev Buriram.
Xov xwm qhia txhab ntxiv nthuav tawm ua ntawv Hmoob:
Pab nom One Nation raug liam tias xav tso tseg tsis siv Australia cov superannuation tom qab nws tus coj tau hais tias yuav muaj tej neeg ua hauj lwm coob heev yuav tau txais txiaj ntsim rau lawv tej nyiaj tam sim no.
Pauline Hanson uas yog tus coj pab nom no tau piav tias Australia cov compulssory retirment saving scheme no ''siv tsis tau hauj lwm lawm'', thiab hais tias tsim nyog yuav tsum xyuas kom muaj ntau yam xwm txheej uas neeg Australia muaj peev xwm rho tau lawv tej nyiaj super coj los siv them nqe yuav tsev thiab them tej nqe siv ua lub neej ntau yam.
Txawm li cas los Jim Chalmers uas yog tus nom tswj nyiaj txiaj rau tsoom fwv Albanese tib tsis pom zoo nrog lub tswv yim no tias yuav txov Australia cov compulsory superannuation sytem thiab yuav ua rau muaj teeb meem rau tej nyiaj npaj tseg cia siv rau lub caij so tsis ua hauj lwm, thiab yuav ua rau muaj teeb meem tsis tau nyiaj ruaj siv rau Australia tej neeg ua hauj lwm.
Colin Boyce uas yog ib tug nom kis xeev qes ntawm pab nom Liberal National hais tias yuav tsum tau los ua tib zoo txheeb kom ntxaws tso.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
