ඔස්ට්රේලියාවේ ප්රධාන වේලා කලාප (time zones) ගණන
ඔස්ට්රේලියාව තුළ ප්රධාන වේලා කලාප 03 කට බෙදා පවතී.
- Australian Eastern Standard Time (AEST)
- Australian Central Standard Time (ACST)
- Australian Western Standard Time (AWST)
Australian Eastern Standard Time හෙවත් AEST
Universal Time (UTC) හෙවත් ග්රිනීච් මධ්ය වේලාවට පැය 10 ක් එකතුවූ තැන (UTC +10) AEST වේලා කලාපයට සමාන වේ.
AEST වේලා කලාපය මගින් ඔස්ට්රේලියාවේ නැගෙනහිර ප්රාන්ත ආවරණය වන අතර ක්වීන්ස්ලන්තය, නිව් සවුත් වේල්ස්, වික්ටෝරියාව, ටස්මේනියාව හා Australian Capital Territory ඊට අයත් වේ.
Australian Central Standard Time හෙවත් ACST.
Universal Time (UTC) හෙවත් ග්රිනීච් මධ්ය වේලාවට පැය 9½ක් එකතුවූ තැන (UTC +9½) ACST වේලා කලාපයට සමාන වේ.
ACST වේලා කලාපය මගින් දකුණු ඔස්ට්රේලියා ප්රාන්තය, නිව් සවුත් වේල්ස් ප්රාන්තයේ බටහිරට වන්නට පිහිටා ඇති Broken Hill නගරය හා Northern Territory යන ප්රදේශ ආවරණය වේ.
Australian Western Standard Time හෙවත් AWST.
Universal Time (UTC) හෙවත් ග්රිනීච් මධ්ය වේලාවට පැය 8 ක් එකතුවූ තැන (UTC + 8) AWST වේලා කලාපයට සමාන වේ.
බටහිර ඔස්ට්රේලියානු ප්රාන්තය AWST වේලා කලාපය මගින් ආවරණය වේ.
Daylight saving (DST)
ඔස්ට්රේලියාවේ ග්රීෂ්ම කාලයේදී දිවා කාලය වැඩි වශයෙන් ඇති හෙයින් එයින් උපරිම ප්රයෝජන ලබා ගැනීම පිණිස ප්රාන්ත හා ටෙරිටරි කිහිපයක වේලාව වෙනස් කරනු ලබයි.
ඒ අනුව Daylight saving කාලය ආරම්භ වන විට නිව් සවුත් වේල්ස්, වික්ටෝරියා, දකුණු ඔස්ට්රේලියාව, ටස්මේනියාව සහ Australian Capital Territory හි වේලාව පැයකින් ඉදිරියට සකසයි.
සෑම වසරකම ඔක්තෝබර් මාසයේ පළමු වන ඉරිදා දිනයේදී මෙම Daylight saving ක්රියාවලිය ආරම්භ වන අතර ඉහත ප්රාන්ත වල අළුයම 2 ට එම වේලාව පැයක් ඉදිරියට ගෙන යනු ලබයි.
ඉන් අනතුරුව සෑම වසරකම අප්රේල් මාසයේ පළමු වන ඉරිදා දිනයේ අළුයම 3 ට එය අවසන් වී නැවත පැයක් පසුපසට ගෙන යයි.
බටහිර ඔස්ට්රේලියාවට, ක්වීන්ස්ලන්තයට හා Northern Territory ට Daylight saving ක්රියාවලිය අදාළ නොවෙයි.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්රහස්පතින්දා, සිකුරාදාපෙ.ව 11 සිට 12 දක්වා
සජීවීවසහපසුව online අහන්න - www.sbs.com.au/sinhalese
SBS සිංහල Facebook පිටුව - www.facebook.com/sbssinhalese
“SBS සිංහල ගුවන් විදුලිය - සමස්ත ඔස්ට්රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
