අගමැති රනිල් වික්රමසිංහ මහතාට එරෙහිව ගෙන විශ්වාශභංගයේදී ජාතික හෙළ උරුමය ඒ සදහා සහාය ලබාදෙන්නේ නැති බව එම පක්ෂයේ මහලේඛම් අමාත්ය පාඨලී චම්පික රණවක මහතා පවසයි. අදාල විශ්වාශභංග යෝජනාව පිටුපස සිටින කණ්ඩායම මහබැංකු බැදුම්කර වංචාවට වඩා දරුණු මුල්ය වංචා වලට දායකත්වය ලබාදී ඇති බව ඔහු වැඩි දුරටත් සදහන් කරයි. මහබැංකු බැදුම්කර වංචාව පිලිබදව සොයා බැලීමට අවශ්ය පියවර රජය ගෙන ඇති බවත්, අදාල චුදිතයින්ට එරෙහිව කටයුතු කිරීමට රජය පියවර ගෙන ඇති බවත් පාඨලී චම්පික රණවක මහතා පවසයි.
තවද විශ්වාශභංග යෝජනාව ඉදිරිපත් කරන පිරිස මිග් ගනු දෙනුව වැනි මුල්ය අක්රමිකතා මගින් රටට ඩොලර් මිලියන 6.8කට ආසන්න මුදලක් අහිමි කර ඇති බවත් ඒ නිසා එවන් පිරිසක් පිටුපස සිටින විශ්වාශභංගයට තම පක්ෂය සහාය නොදෙන බවත් ජාතික හෙළ උරුමයේ මහලේඛම් වරයා වැඩි දුරටත් සදහන් කරයි.
Share
