بیماری کی وجہ سے نمیر عثمانی کا اپنے مسلز پر کنٹرول ممکن نہیں رہا، لیکن بلند حوصلوں کا حامل یہ نوجوان کسی بھی دوسرے فرد کی طرح اپنے روزہ مرہ کے معمولات زندگی کو نہ صرف انجام دے رہا ہے بلکہ حیرت انگیز طور پر ان تمام امور کی ویڈیوز بنا کر اپنے چاہنے والوں کو بھی دیکھاتا ہے۔ بیماری کے باعث ہاتھوں نے کام کرنا چھوڑا تو نمیر نے اپنی ناک کے زریعے نہ صرف ویڈیوز بنانا شروع کیں بلکہ ایڈیٹنگ بھی اپنی ناک کی مدد سے ہی کرتے ہیں۔ ایس بی ایس اردو سے خصوصی گفتگو کرتے ہوئے نمیر صدیقی نے اپنی بیماری کے حوالے سے بات کرتے ہوئے کہا کہ سیریربل پالسی کی وجہ سے ان کا جسم کس طرح متاثر ہوا اور اس کے باوجود وہ کیسے ناک کی مدد سے اپنی ویڈیوز کو ایڈٹ کر کے دیکھنے والوں کے سامنے لاتے ہیں۔ نوجوان کانٹینٹ کریٹر کے مطابق انہیں دوستوں، خاندان اور رشتہ داروں کی جانب سے بہت زیادہ حوصلہ ملا جس کی وجہ سے آج اس مقام تک پہنچا ہوں۔ نمیر عثمانی کے مطابق وہ بہت زیادہ کیمرا شائے تھے، تاہم ایک ایونٹ میں شرکت نے ان کی زندگی کو بدل کر رکھ دیا۔
ایس بی ایس اردو کیلئے یہ رپورٹ پاکستان سے احسان خان نے پیش کی۔
