ایئر انڈیا طیارہ حادثے میں صرف ایک شخص زندہ بچ پایا

People stand around the debris of an airplane after it crashed in India's northwestern city of Ahmedabad in Gujarat state, Thursday, June 12, 2025. Source: AP / Ajit Solanki/AP

ایس بی ایس اردو

View Podcast Series

Follow and Subscribe

Download the SBS Audio appAvailable on iOS and Android

ایئر انڈیا کے طیارہ حادثے کی کثیر القومی تحقیقات جاری ہیں جس میں ایک مسافر کے علاوہ تمام مسافر ہلاک ہو گئے تھے۔بھارتی پولیس کا کہنا ہے کہ جائے حادثہ سے کم از کم 265 لاشیں برآمد کی گئی ہیں اور یہ تعداد مزید بڑھ سکتی ہے کیونکہ طیارہ لینڈنگ کے وقت میڈیکل کالج کے ہاسٹل سے ٹکرایا تھا۔

لندن جانے والی ایئر انڈیا کی ڈریم لائنر کی پرواز احمد آباد سے اڑان بھرنے کے کچھ ہی دیر بعد گر کر تباہ ہو گئی جس کے نتیجے میں 240 سے زائد افراد کی ہلاکت کی تصدیق ہو گئی ہے۔

بوئنگ 7-8-7 لندن گیٹ وک ہوائی اڈے کے سفر کو شروع کیے ایک منٹ سے بھی کم وقت ہوا تھا کہ یہ میڈیکل کالج کے ہاسٹل میں گر گیا، جس کے نتیجے میں شہر میں دھماکہ دیکھنے میں آیا اور آسمان پر آگ کا گولہ پھیل گیا۔

جہاز میں سوار 242 افراد میں سے صرف ایک برطانوی شہری مسافر زندہ بچ پایا۔ ان میں 169 ہندوستانی، 53 برطانوی، 7 پرتگالی اور ایک کینیڈین شہری شامل ہیں۔

زندہ بچ جانے والے وشواش کمار رمیش کا کہنا ہے کہ انہیں نہیں معلوم کہ وہ طیارے میں کیسے بچ گئے۔