اہم نکات
- ہائیکورٹس کے مستقل چیف جسٹسز کی تقرری
- پنجاب اسمبلی نیا تنازعہ
- حکومت مخالف نئی تحریک
مخصوص نشستوں سے متعلق سپریم کورٹ کا فیصلہ۔ الیکشن کمیشن نے فیصلے پر عملدرآمد اور سیاسی جماعتوں کو مخصوص نشستوں کی بحالی کے حوالے سے قانونی مشاورت کا آغاز کردیا۔ منگل کے روز چیف الیکشن کمشنر سکندر سلطان راجہ کی زیر صدارت اجلاس ہوا جس میں مخصوص نشستوں سے متعلق کوئی فیصلہ نہ ہوسکا۔
پشاور ہائی کورٹ نے خیبرپختونخواہ کی صوبائی اسمبلی کی مخصوص نشستوں پر منتخب ممبران کو حلف لینے سے روک دیا ہے۔ پشاور ہائیکورٹ کے جسٹس سید ارشد علی اور جسٹس ڈاکٹر خورشید اقبال پر مشتمل دو رکنی بنچ نے پاکستان تحریک انصاف پارلیمنٹرین کی درخواست پر سماعت کی۔
جوڈیشل کمیشن نے پشاور، سندھ اور بلوچستان ہائیکورٹ کے مستقل چیف جسٹس کیلئے ناموں کی منظوری دیدی۔ سپریم کورٹ کے سینئر ترین جج جسٹس منصور علی شاہ نے اجلاس کی کارروائی کے دوران اعتراض اٹھا دیا۔ انہوں نے 26ویں آئینی ترمیم پر فیصلہ پہلے کرنے کا مطالبہ کیا جسے اکثریت نے مسترد کردیا۔
اسپیکر پنجاب اسمبلی کی جانب سے صوبائی اسمبلی میں ہنگامہ آرائی پر 26 ارکان کی رکنیت کی معطلی کے بعد صوبائی اسمبلی میں حکومت اور اپوزیشن آمنے سامنے ہیں۔ حکومت نے اپوزیشن کو 13 قائمہ کمیٹیوں کی چیئرمین شپ سے ہٹانے کی کاروائی کا آغاز کردیا گیا ہے۔ پہلے مرحلے میں چار اپوزیشن ارکان کو تحریک عدم اعتماد کے ذریعے قائمہ کمیٹیوں کی چیئرمین شپ سے ہٹا دیا گیا ہے۔ تحریک انصاف نے محرم الحرام کے بعد حکومت مخالف تحریک شروع کرنے کا اعلان کردیا ہے۔
(بشکریہ: اصغرحیات۔ پاکستان)
______________
“SBS Audio” کے نام سے موجود ہماری موبائیل ایپ ایپیل (آئی فون) یا اینڈرائیڈ , ڈیوائیسزپرانسٹال کیجئے۔
پوڈکاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم کا انتخاب کیجئے: Spotify Podcast , Apple Podcasts
