سابق وزیراعظم عمران خان کو 23 اور 24 فروری کی درمیانی شب سخت سیکیورٹی میں اڈیالہ جیل سے اسپتال لایا گیا۔ پمز ہسپتال کے اعلامیے کے مطابق بانی پی ٹی آئی کو ماہر ڈاکٹروں کے بورڈ نے مکمل طبی معائنے کے بعد آنکھ کے علاج کیلئے تجویز کردہ انجکشن کی دوسری ڈوز لگائی۔ معمول کے علاج کے دوران مریض کی حالت پر مسلسل نظر رکھی گئی۔
تحریک انصاف نے الزام عائد کیا ہے کہ عمران خان کی ہسپتال منتقلی پارٹی، اہلیخانہ اور معالجین سے چھپائی گئی۔ پاکستان تحریکِ انصاف کے ارکانِ پارلیمنٹ نے عمران خان کے مقدمات سماعت کیلئے مقرر کرنے اور اہلیخانہ سے ملاقات کرانے کیلئے سپریم کورٹ آف پاکستان کے سامنے احتجاج کیا ہے۔
دنیا بھر سے تعلق رکھنے والے 14 سابق بین الاقوامی کرکٹ کپتانوں نے پاکستان کے وزیرِاعظم کو خط لکھ کر عمران خان کی صحت پر گہری تشویش کا اظہار کیا ہے اور مطالبہ کیا ہے کہ ان کے ساتھ “وقار اور بنیادی انسانی ہمدردی” کے اصولوں کے تحت سلوک کیا جائے۔ یہ درخواست گریگ چیپل نے تیار کی، جس پر ایان چیپل، سنیل گواسکر، کپل دیو، کلائیو لائیڈ، ایلن بارڈر، مائیکل ایتھرٹن، ناصر حسین، مائیکل بریرلی، ڈیوڈ گوور، اسٹیو واہ، جان رائٹ، کم ہیوز اور بیلنڈا کلارک نے دستخط کیے
۔
صوبہ سندھ کی تقسیم کیخلاف قرار داد کی منظوری کے بعد پاکستان پیپلزپارٹی اور ایم کیو ایم آمنے سامنے آگئی ہیں۔
متحدہ قومی مومنٹ نے سندھ حکومت کیخلاف سڑکوں پر آنے کا اعلان کیا ہے۔ ا
(بشکریہ: اصغرحیات۔ پاکستان)
