Coming Up Thu 4:00 PM  AEDT
Coming Up Live in 
Live
Nepali radio
एसबीएस नेपाली पोडकास्ट

नाइडक सप्ताह: तपाईँ नजिकै रहेका आदिवासीय महत्त्व बोकेका स्थानहरू

Parrtjima, the only authentic light Aboriginal festival of its kind, showcasing the oldest continuous culture on earth through the newest technology in Alice. Source: AAP Image/Supplied by Access PR

नाइडक सप्ताह अस्ट्रेलियाली वार्षिक पात्रोमा एक विशिष्ट स्थान ओगट्ने कार्यक्रम हो र यो वर्ष "हीइल कन्ट्री" नारा सहित भूमिको संरक्षणलाई विशेष ध्यान दिइएको छ।

नाइडक सप्ताह अस्ट्रेलियाली वार्षिक पात्रोमा एक विशिष्ट स्थान ओगट्ने कार्यक्रम हो।

हरेक वर्ष जुलाई महिनाको दोस्रो साता - अस्ट्रेलियाका आदिवासीहरू - एबोरिजिनल तथा टोरेस स्ट्रेट आइल्यान्डरहरूको इतिहास, संस्कृति र उपलब्धिहरूको एक उत्सवका रूपमा - नाइडक सप्ताह आयोजना गर्ने गरिन्छ।

अङ्ग्रेजी भाषामा नेश्नल एबोरिजिनल एन्ड आइल्यान्डर्स डे अभजर्भेन्स कमिटीको छोेटो रूप नै नाइडक हो।

एक साता लामो उत्सवमा रूपान्तरित हुनु अघि यो एक शोक दिवसका रूपमा मनाइने गरिएको थियो।

सन् १९३८ मा अस्ट्रेलिया दिवस मनाइँदै गर्दा आदिवासी प्रदर्शनकारीहरूले भने 'शोक दिवस' भन्दै सिड्नीबाट मोर्चा निकालेका थिए।

यो प्रदर्शन सफल भएपछि हरेक वर्ष - अस्ट्रेलिया दिवस भन्दा अगाडीको आइतबारलाई शोक दिवस भनेर मनाउन थालियो - जुन पछि गएर एबोरिजिनलहरूको राष्ट्रिय दिवसको रूपमा परिचित हुन थाल्यो।

The 46,000-year-old caves were destroyed by mining giant Rio Tinto in May 2020, distressing the traditional owners, the Puutu Kunti Kurrama and Pinikura (PKKP) people. (AAP Image/Supplied by PKKP and PKKP Aboriginal Corporation) NO ARCHIVING, EDITORIAL US
A screenshot of a supplied video taken in 2015 shows the Juukan Gorge rock shelters in Western Australia.
PKKP AND PKKP ABORIGINAL CORPORATION


यही जुलाई ४ देखि ११ तारिखसम्म मनाईँदै गरिएको सन् २०२१ को नाइडक सप्ताहका लागि "हीइल कन्ट्री" अथवा भूमिलाई निको पार्नु भन्ने मूल नारा तोकिएको छ।

परम्परागत रूपमा यस धर्तीका स्वामी रहेका आदिवासीहरूको सांस्कृतिक विरासतसँग निकै कसिलो अन्तरसम्बन्ध गाँसिएको पर्यावरण र पवित्र स्थानहरूको थप सुरक्षा एवं जगेर्ना गरिनुपर्नेमा उक्त नाराले जोड दिन्छ।

वुरुन्जेरी र जा जा वुरुङ पृष्ठभूमिकी स्टेसी पाइपर भिक्टोरियाली नाइडक समितिकी अध्यक्ष हुन्।

हीइल कन्ट्रीले भूमि प्रतिको दायित्वलाई पनि दर्शाउँछ।

साथै जमिनसँग जोडिने अन्य सबै कुराहरू जस्तै कि सबै प्राणीहरू, अध्यात्म, पहिचान, कथा तथा मान्यताहरूलाई आदर गर्नुपर्ने बारे पनि यसले चर्चा गर्छ।

हीइल कन्ट्री हजारौँ वर्षदेखिको परम्परागत भूमि प्रबन्धन कार्यलाई पहिचान दिने कदमका साथ साथै मातृभूमिको रेखदेखका बारेमा पनि हो।

जमिनको हेरचाह भन्नुको अर्थ महत्त्वपूर्ण स्थानहरूसम्म मानिसहरूको पहुँच सीमित गरेर ती ठाउँहरूलाई सुरक्षा प्रदान गर्नु रहेको बताउँछिन् पाइपर।

क्यानबेरा वरपर हजारौंको सङ्ख्यामा महत्त्वपूर्ण स्थलहरू छन् र यी मध्ये कयौँको प्रवेशमा सर्वसाधारणलाई कुनै रोकटोक छैन।

ती स्थानहरुमा रहेका सांस्कृतिक पहिचानहरूको सुरक्षा तथा संरक्षणमा लागि परेका गुन्नावल भूमिका एक पुरुष हुन् - वाली बेल।

Cypress Pine Lookout at Namadgi National Park
Cypress Pine Lookout at Namadgi National Park
Getty Images

परम्परागत स्थलहरूको देखभाल गर्ने व्यक्ति भएता पनि केही यस्ता पवित्र स्थलहरूका विशिष्ट सांस्कृतिक चालचलनहरू पालना गर्नेु पर्ने बारे उनी कटिबद्ध छन्।

सिड्नीभन्दा लगभग २५ किलोमिटर उत्तरमा रहेको कुरीङगाइ चेस राष्ट्रिय निकुञ्ज भित्र मात्रै ३५० वटा आदिवासिय स्थलहरू पहिचान गरिएका छन्।

र यो राष्ट्रिय निकुञ्ज अस्ट्रेलियाभरमा नै एबोरिजिनल महत्त्वका स्थलहरूको सबैभन्दा बढी घनत्व भएको ठाउँ पनि हो।

यहाँ भित्र तपाईँले एबोरिजिनल विरासत झल्कने विभिन्न प्रतीकहरू हिँडडुल गर्दै हेर्न सक्नुहुन्छ जसमध्य उक्त भूमिका परम्परागत मानिसहरूद्वारा ढुङ्गामा कुँदिएका चित्रकला प्रमुख आकर्षणका रुपमा रहेको छ।



अस्ट्रेलियाका अन्य शहरहरूका मुटुमै पनि यस्ता विशिष्ट स्थलहरू पाउन सकिन्छ।

पर्थको किङ्स पार्क यस्तै एक आलङ्कारिक तथा सांस्कृतिक केन्द्र हो जहाँको बूड्जा गनारनिङ वक प्रख्यात छ।

यो गोरेटो बाटो अगाडि बढ्दै जाँदा दुई हाँगामा विभाजित हुन्छ जसमध्ये एकले पुरुषहरूको परम्परागत भूमिका तथा ज्ञानलाई दर्शाउँछ भने अर्कोले महिलाहरूको।

मेलबर्नको कुरा गर्दा भने २१ जुलाईदेखि एक नयाँ मोबाइल एपको माध्यमबाट तपाईँले अग्मेनटेड रियालिटी प्रविधिको मजा उठाउँदै फिट्जरोइको एबोरिजिनल इतिहाससँग भिज्न सक्नुहुनेछ।

Charcoal Lane Mural in Melbourne
Charcoal Lane Mural in Melbourne
NITV

स्थानीय वुरुनजेरी बासिन्दाहरूको वोइ वुरुङ भाषामा हिजो भनेर बुझाइने शब्द यालिनगुथ नाम दिइएको उक्त एप मार्फत प्रख्यात जेरट्रुड मार्गभरका एबोरिजिनल इतिहास थाहा पाउन सकिने योर्ता योर्ता भूमि पुत्र बबि निकोल्स बताउँछन्।

स्टेसी पाइपरका अनुसार यस वर्षको नाइडक सप्ताहको मूल मर्म पनि आदिवासी संस्कृति, पहिचान र भूमिको देख भाल गर्नु सबै अस्ट्रेलियावासीको उत्तिकै जिम्मेवारी रहेको बोध गराउनु हो।

नर्दर्न टेरोटरी र वेस्टर्न अस्ट्रेलियाका आदिवासी भाषा बोल्ने समूहहरूसँग मिलेर सीएसआईआरओ भनिने कमनवेल्थ वैज्ञानिक तथा औद्योगिक अनुसन्धान संस्थाले एबोरिजिनल मानिसहरूको पर्यावरण र परिस्थिति विज्ञान माथि कति बलियो पकड छ भनेर देखाउन पात्रोहरूको एक सङ्ग्रह नै प्रकाशित गरेको छ।

बबि निकोल्स भन्छन् कि इतिहासका यस्ता पाटाहरू बारे शिक्षा दिनु केवल एबोरिजिनल मानिसहरूको मात्र दायित्व होइन, नाइडक सप्ताह त हामी सबैले एक-अर्कालाई यस धर्तीका मानिसहरू, उनीहरूका संस्कृति र इतिहास बारे जान्न बुझ्न प्रेरित गर्ने पनि समय हो।

A man rests on his bike (C-below), as he
Perth, AUSTRALIA: A man rests on his bike (C-below), as he looks out from Kings Park onto Perth's Swan River and foreshore.
GREG WOOD/AFP via Getty Images

यो रिपोर्ट सुन्नुहोस्:
नाइडक सप्ताह: तपाईँ नजिकै रहेका आदिवासीय महत्त्व बोकेका स्थानहरू
00:00 00:00

हाम्रा थप अडियो प्रस्तुतिहरू पोडकास्टका रूपमा नि:शुल्क
यहाँबाट डाउनलोड गर्न सक्नुहुन्छ।

Coming up next

# TITLE RELEASED TIME MORE
नाइडक सप्ताह: तपाईँ नजिकै रहेका आदिवासीय महत्त्व बोकेका स्थानहरू 08/07/2021 08:00 ...
देशभर भएका सडक दुर्घटनामा दर्जनौँको मृत्यु र रुपन्देहीमा प्रहरी र स्थानीय बिच झडप हुँदा कम्तीमा ४ जनाको ज्यान गयो : गत सात दिन नेपालमा 17/10/2021 06:00 ...
एसबीएस नेपाली अस्ट्रेलिया समाचार: आइतबार १७ अक्टोबर २०२१ 17/10/2021 14:10 ...
एसबीएस नेपाली अस्ट्रेलिया समाचार: शुक्रबार १५ अक्टोबर २०२१ 15/10/2021 06:40 ...
नेपाल: पूर्व राष्ट्राध्यक्षको दशैं सन्देशले फैलाएको तरङ्ग 14/10/2021 09:07 ...
“भारत मिडफिल्डमा निकै राम्रो छ, नेपालले पनि सर्ट बल खेलेर जाने रणनीति बनाउनु पर्छ” 14/10/2021 08:15 ...
एसबीएस नेपाली अस्ट्रेलिया समाचार:बिहीवार १४ अक्टोबर २०२१ 14/10/2021 13:49 ...
प्रधानमन्त्री मोरिसनलाई जलवायु सम्बन्धी शिखर सम्मेलनमा भाग लिन राजकुमार चार्ल्सको दवाब 13/10/2021 05:10 ...
एसबीएस नेपाली अस्ट्रेलिया समाचार: बुधबार १३ अक्टोबर २०२१ 13/10/2021 08:18 ...
रिसाएको फ्रान्स र अस्ट्रेलियामाथि परेको दूरगामी प्रभाव 12/10/2021 08:04 ...
View More