ඔස්ට්‍රේලියාවේ ස්ථිර පදිංචිය සඳහා අයදුම් කිරීමට අවස්ථාව සලසන නිපුණතා සංක්‍රමණික ලැයිස්තුවට (Skilled Migration List) අදාළ අගෝස්තු 11 ට යෙදුනු ආරාධනා පත්‍ර වටයේ (Invitation Round) තොරතුරු මේ වන විට ඔස්ට්‍රේලියානු ස්වදේශ කටයුතු දෙපාර්තමේන්තුව නිවේදනය කර තිබේ.
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදා පෙ.ව 11 සිට 12 දක්වා (ඕස්ට්‍රේලියානු වේලාවෙන්)
SBS Radio APP එකෙන් (Free download)
ඔස්ට්‍රේලියාවේ 2019/20 නව මුල්‍ය වර්ෂය සඳහා නිපුණතා සංක්‍රමණික ලැයිස්තුවේ දෙවැනි ආරාධනා පත්‍ර වටය ලෙසද මෙය වාර්තා වේ.
Source: Department of Home Affairs
අගෝස්තු 11 ආරාධනා පත්‍ර වටය
2019 අගෝස්තු 11 ට යෙදුනු ආරාධනා පත්‍ර වටයේ දී සමස්ත ආරාධනා පත්‍ර 200 ක් පමණක් නිකුත් කර ඇති බව ඔස්ට්‍රේලියාවේ ස්වදේශ කටයුතු දෙපාර්තමේන්තු නිල වෙබ් අඩවිය වාර්තා කරයි.
සෑම මසකම 11 වන දින ක්‍රියාත්මක කෙරෙන මෙම ආරාධනා පත්‍ර වටයකදී සාමන්‍යයෙන් ආරාධනා පත්‍ර 2500 ක් නිකුත් කෙරෙන නමුත් මෙවර එම ප්‍රමාණය 2300 කින් පහත බැස තිබීම සුවිශේෂී සිදුවීමකි.
කෙසේවෙතත් පසුගිය මාස 6 තුළ මසකදී නිකුත් කෙරෙන ආරාධනා පත්‍ර සංඛ්‍යාව 250 ත් 100 ත් අතර ඉතාමත් අඩු සංඛ්‍යාවකට කප්පාදු කෙරුණු අතර මෙවර එය 200 දක්වා පහත හෙළීම හරහා එතරම් සුබදායී තත්ත්වයක් පෙන්නුම් නොකරන බව කිව හැකිය.
2018-19 මුල්‍ය වර්ෂයේ සිට සෑම මසකම 11 වන දින ඔස්ට්‍රේලියාවේ ස්ථිර පදිංචිය සඳහා අයදුම් කිරීමට හැකි 189 සහ 489 වීසා වලට අදාළ EOI සඳහා ආරාධනා පත්‍ර නිකුත් කරන බව ඔස්ට්‍රේලියානු ස්වදේශ කටයුතු දෙපාර්තමේන්තුව 2017 වසරේ ජුනි මාසයේදී පවසා තිබුණි.
පසුගිය මාස හයක කාලය තුළ ආරාධනා පත්‍ර නිකුත් කිරීම සමස්ත EOI ලකුණු 85ත් 95 ත් අතර විශාල ලෙස ඉහළ මට්ටමක පැවතුනු අතර පසුගිය ජූලි ආරාධනා පත්‍ර වටයේදී එය ලකුණු 80 දක්වා පහත බැස තිබුණි.
නමුත් මෙවර එය නැවතත් ලකුණු 85ත් 95 ත් අතරට ඉහළ නැග තිබේ.
Source: Getty Images
IT සහ Accounting වෘත්තීන්ගේ තත්ත්වය
ඔස්ට්‍රේලියාවේ නිපුණතා සංක්‍රමණික ලැයිස්තුවේ වඩාත් ජනප්‍රියම සහ වැඩිම ඉල්ලුමක් ඇති IT සහ Accounting වෘත්තීන් ට අදාළ වෘත්තීන් සඳහා මෙවර ආරධනා පත්‍ර වටයේ තත්ත්වය සාරාංශගතව පහත පරිදි වේ.
Accountants (Occupation ID - 2211) සඳහා 20/07/2019 තෙක් යොමු කෙරුණු ලකුණු සංඛ්‍යාව 90 ක් සහිත EOI සඳහා ආරධනා පත්‍ර නිකුත් කර තිබේ.
Auditors (Occupation ID - 2212) සඳහා සඳහා 11/03/2019 තෙක් යොමු කෙරුණු ලකුණු සංඛ්‍යාව 85 ක් සහිත EOI සඳහා ආරධනා පත්‍ර නිකුත් කර තිබේ.
ICT Business and System Analysts (Occupation ID - 2611) සඳහා 30/07/2019 තෙක් යොමු කෙරුණු ලකුණු සංඛ්‍යාව 85 ක් සහිත EOI සඳහා ආරධනා පත්‍ර නිකුත් කර තිබේ.
Software and Applications Programmers (Occupation ID - 2613) සඳහා 31/07/2019 තෙක් යොමු කෙරුණු ලකුණු සංඛ්‍යාව 85 ක් සහිත EOI සඳහා ආරධනා පත්‍ර නිකුත් කර තිබේ.
Computer Network Professionals (Occupation ID - 2631) සඳහා 14/07/2019 තෙක් යොමු කෙරුණු ලකුණු සංඛ්‍යාව 80 ක් සහිත EOI සඳහා ආරධනා පත්‍ර නිකුත් කර තිබේ.
ඔස්ට්‍රේලියාවේ නිපුණතා සංක්‍රමණික ලැයිස්තුවට (Skilled Migration List) අදාළ මීළඟ ආරාධනා පත්‍ර වටය එළඹෙන සැප්තැම්බර් 11 වන දින ක්‍රියාත්මක වීමට නියමිතය.
Points for clients who were invited to apply in the 11 August 2019 round. Source: Department of Home Affairs
ආරාධනා පත්‍ර දැඩි ලෙස පහත බැසීමට හේතු
නිපුණතා සංක්‍රමණික ලැයිස්තුවට (Skilled Migration List) අදාළ අගෝස්තු 11 ට යෙදුනු ආරාධනා පත්‍ර වටයේ ආරාධනා පත්‍ර දැඩි ලෙස පහත බැසීමට ප්‍රධාන හේතුව ලෙස එළඹෙන නොවැම්බර් 16 වන දින හඳුන්වා දීමට නියමිත නව ප්‍රාදේශීය වීසා ඛාණ්ඩය අනුමාන කළ හැකිය.
491 යන වීසා උප ඛාණ්ඩය යටතේ ක්‍රියාත්මක වන මෙම නව ප්‍රාදේශීය වීසා වර්ගය හරහා වසර 5 ක් පූර්ණ කාලීන රැකියා වීසාවක් සුදුසුකම් සපිරූ නිපුණතා සංක්‍රමණිකයින් හට ලැබේ.
නමුත් එම වීසා ලාභීන් හට රැකියා කරමින් වාසය කළ හැක්කේ ඔවුන්ට නියමිතවූ ප්‍රාදේශීය කලාපයේ පමණකි.
මෙල්බර්න්, සිඩ්නි, බ්‍රිස්බේන්, පර්ත් සහ ගෝල්ඩ් කෝස්ට් යන ප්‍රධාන නගර 5 න් බැහැරව සංක්‍රමණිකයින්ව ඔස්ට්‍රේලියාවේ ප්‍රාදේශීය කලාප වලට යොමු කිරීමේ ඔස්ට්‍රේලියානු මධ්‍යම රජයේ නව වැඩපිළිවෙල යටතේ මෙය ක්‍රියාත්මක වේ.
එනිසාම නිපුණතා සංක්‍රමණික ලැයිස්තුවට අදාළ ඉදිරි ආරාධනා පත්‍ර වට වලදී පවා ඉතාමත් අඩු ආරාධනා පත්‍ර සංඛ්‍යාවක් නිකුත් කරනු ඇතැයි අපේක්ෂා කළ හැකිය.
Source: SBS Sinhala
Read & Watch More
ඕස්ට්‍රේලියාවේ ඇති ළමා අයිතීන් පිලිබදව ඔබ දැනුවත්ද ?
