ඔස්ට්රේලියාවේ නිව් සවුත් වේල්ස් සහ ක්වීන්ස්ලන්ත ප්රාන්ත වල ලැව් ගිනි පැතිරීම බරපතල ලෙස ඉහළ ගොස් ඇති බව මේ වන විටත් වාර්තා වී තිබේ.
එම දරුණු ලැව් ගිනි හේතුවෙන් ජීවිත මෙන්ම දේපළ හානිද සිදුවී ඇති බව සඳහන්.
SBS සිංහල සේවය සඳුදා, අඟහරුවාදා, බ්රහස්පතින්දා, සිකුරාදා පෙ.ව 11 සිට 12 දක්වා (ඕස්ට්රේලියානු වේලාවෙන්)
සජීවීවසහපසුව online අහන්න - www.sbs.com.au/sinhalese
SBS Radio APP එකෙන් (Free download)
නිව් සවුත් වේල්ස් ප්රාදේශීය ගිනි නිවන සේවා සහ අනෙකුත් හදිසි සේවා ලැව් ගිනි තත්ත්ව මෙන්ම හදිසි තත්ත්ව යටතේ ගත යුතු ආරක්ෂක පියවර සම්බන්ධයෙන් නවතම තොරතුරු සමාජ මාධ්ය ඔස්සේ මෙන්ම අනෙකුත් නාලිකා ඔස්සේ ද මේ වන විට ලබා දෙමින් සිටී.
ඔබ ලැව් ගිනි අවදානම් කලාපයක සිටී නම් සමාජ මාධ්ය ජාලා ඔස්සේ ඔබේ ආරක්ෂාවට තොරතුරු ලබා ගැනීමට හැකි හොඳම ක්රම පිළිබඳ මෙම ලිපියෙන් දැනුවත් කෙරේ.
ඔබ ලැව් ගිනි අවදානම් කලාපයක නොසිටී නම් එම අවදානම ඇති පුද්ගලයින්ට ඔබට මෙම තොරතුරු ලබා දිය හැකිය.
ඔබේ ප්රදේශයේ ලැව් ගිනි සම්බන්ධ තොරතුරු දැනගැනීමට එක් මාධ්යක් මත පමණක් නොයැපෙන්න
ලැව් ගිනි ඇතිවන සමයේ ඔබේ ප්රදේශයේ නවතම තත්ත්වය පිළිබඳ නිරතුරුවම යාවත්කාලීනව සිටීම ඉතා වැදගත්ය.
හදිසි තත්ත්වයක් යටතේ ඔබගේ විදුලිය හෝ දුරකතන සම්බන්ධතා ඇනහිටීමට වුවද හැකිය.
එනිසාම විවිධ ක්රම හරහා ඔබගේ ප්රදේශයේ නවතම තත්ත්වය පිළිබඳ තොරතුරු ඔබ දැනගත යුතුය.
නිව් සවුත් වේල්ස් ප්රාන්තය
නිව් සවුත් වේල්ස් ප්රාදේශීය ගිනි නිවන සේවාව විසින් ලැව් ගිනි සම්බන්ධ තොරතුරු ලබා දීමට නොමිලයේ smartphone app එකක් ක්රියාත්මක කරයි.
Fires Near Me නමින් හැඳින්වෙන එම App එක කල්තියාම ඔබගේ ජංගම දුරකතනයට බාගත කරගත හැකිය.
එමෙන්ම Facebook, Twitter සහ තම නිල වෙබ් අඩවිය වන NSW RFS වෙබ් අඩවියේද ලැව් ගිනි සම්බන්ධ නවතම තත්ත්වය පිළිබඳ නිව් සවුත් වේල්ස් ප්රාදේශීය ගිනි නිවන සේවාව විසින් තොරතුරු යාවත්කාලීන කරනු ලබයි.
ඊට අමතරව 1800 NSW RFS (1800 679 737) යන දුරකතන අංකයෙන් ද ඔබට ලැව් ගිනි සම්බන්ධ නවතම තත්ත්වය පිළිබඳ දැනගත හැකිය.
ක්වීන්ස්ලන්ත ප්රාන්තය
ක්වීන්ස්ලන්ත ප්රාන්තයේ ලැව් ගිනි සම්බන්ධ නවතම තත්ත්වය පිළිබඳ තම Facebook සහ Twitter ගිණුම් වලද තම Queensland Fire and Emergency Services (QFES) වෙබ් අඩවියේද ක්වීන්ස්ලන්ත ප්රාන්තයේ ගිනි නිවන හා හදිසි සේවා තොරතුරු වාර්තා කරයි.
මේ වන විට ඔස්ට්රේලියාවේ ලැව් ගිනි තත්ත්ව වාර්තා වන්නේ නිව් සවුත් වේල්ස් සහ ක්වීන්ස්ලන්ත ප්රාන්ත වලින් වුවද අනෙකුත් ප්රාන්ත වල සිටින පිරිස් පවා තම ප්රාන්තයේ ක්රියාත්මක ගිනි සහ හදිසි සේවා ආයතනයට අදාළ වෙබ් අඩවි සහ App පිළිබඳව දැනුවත්වී සිටීම ඉතා වැදගත්ය.
සමාජ මාධ්ය ඔස්සේ ලැව් ගිනි සම්බන්ධ තොරතුරු හුවමාරු කරනවානම් මෙම නිර්දේශ අනුගමනය කරන්න
තම සේවාව නිරතුරුවම ලැව් ගිනි සම්බන්ධයෙන් සමාජ මාධ්ය ජාල අධීක්ෂණය කරන නමුත් ලැව් ගිනි නිසා පීඩාවට පත්වූ විට සමාජ මාධ්ය ඔස්සේ උදව් නොඉල්ලන ලෙස නිව් සවුත් වේල්ස් ප්රාදේශීය ගිනි නිවන සේවාවේ නියෝජිතයෙකු පැවසීය.
ඔබට උදව් අවශ්ය සැම විටම ඉක්මණින්ම 000 අමතන්න.
ලැව් ගිනි සම්බන්ධ ඡායාරූප ගෙන සමාජ මාධ්යට දැමීමේදී ඔබේ ජීවිතය අනතුරේ හෙළා අවදානම් කලාප වෙත නොයන්න.
සෑම විටම තමන්ගේ ආරක්ෂාව පිළිබඳ පළමුවෙන්ම සිතන්න.
ඔබ ලැව් ගිනි පිළිබඳ ඡායාරූප සමාජ මාධ්ය ඔස්සේ හුවමාරු කරනවානම් #NSWRFS හෝ #NSWfires යනුවෙන් tag කිරීම ඉතා වැදගත්ය.
අදාළ ඡායාරූපයේ ස්ථානය, දිනය සහ වේලාව ද හැකිනම් දැනුවත් කරන්න.
අසත්ය තොරතුරු කිසි විටෙකත් හුවමාරු නොකිරීමට වග බලාගන්න.
