ہمارا ڈرامہ مخصوص کہانیوں اور کرداروں کے گرد ہی گھوم رہا ہے۔
- آج کل سوشل میڈیا کے ذریعے بھی ٹیلنٹ سامنے آرہا ہے
- ڈراموں میں ایک عام ورکنگ ویمن کی زندگی کی کہانیاں دکھانا بھی ضروری ہے
نورین گلوانی نے کم وقت میں اپنی منفرد اداکاری سے ٹی وی ڈراموں میں نمایاں پہچان بنائی۔ حالیہ ڈرامہ ‘دل ڈھونڈتا ہے پھر وہی’ میں وہ ایک ڈیمینشیا کے مریض کی بہن کا کردار نبھا رہی ہیں، جب کہ ان کا ڈرامہ ‘شیر’ حال ہی میں اختتام پذیر ہوا جہاں انہوں نے روایتی گھرانے کی لڑکی کا کردار ادا کیا۔
ایس بی ایس اردو سے خصوصی گفتگو میں نورین نے بتایا کہ ہمارا ڈرامہ اب بھی مخصوص کہانیوں اور یکساں کرداروں کے گرد ہی گھومتا ہے۔ ان کے مطابق ناظرین کو اب نئی اور متنوع کہانیاں دیکھنے کی ضرورت ہے تاکہ معاشرتی تبدیلی کی جھلک اسکرین پر بھی دکھائی دے۔
انہوں نے کہا کہ آج سوشل میڈیا ٹیلنٹ کے سامنے آنے کا نیا پلیٹ فارم بن چکا ہے۔ ساتھ ہی ان کا ماننا ہے کہ ڈراموں میں ایک عام ورکنگ ویمن کی زندگی، جدوجہد اور خوابوں کی کہانیاں دکھانا بھی اتنا ہی ضروری ہے۔
بشکریہ: کوکب جہاں (پاکستان)
______________________________________________________________
___جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
