Key Points
- کیمپنگ ٹرپ کی تیاری میں محل وقوع، موسم، حالات، مقامی سرگرمیوں اور درکار سامان کی تحقیق شامل ہے۔
- کیمپنگ کے سازوسامان کی ایک وسیع رینج دستیاب ہے، آرام اور سہولت کو شامل کرنے کے لیے ضروری چیزوں سے لے کر مزید شامل گیئر تک۔
- Being a considerate camping means taking your rubbish with you, and being aware of your noise and impact on nearby campers.
- آسٹریلیا میں کیمپنگ کیوں کریں؟
- کیمپنگ پر جانے سے پہلے کن چیزوں پر غور کرنا چاہیے؟
- کون سا کیمپنگ کا سامان ساتھ لے جانا چاہیے؟
- اچھی کیمپنگ کے آداب کیا ہیں؟
- کیمپنگ کے بارے میں مزید معلومات کہاں سے حاصل کی جا سکتی ہیں
آسٹریلیا میں کیمپنگ کیوں کریں؟
ساحل سے لے کر وسیع خشک پہاڑٰ علاقوں تک، آسٹریلیا میں دیکھنے کے لیے بہت کچھ ہے، اور کیمپنگ کا سفر قدرت کی خوبصورتی اور تنہائی کا تجربہ کرنے کا ایک آسان اور سستا طریقہ ہو سکتا ہے۔
"ہم آسٹریلیا میں بہت خوش قسمت ہیں کہ ہمیں کچھ زبردست قدرتی مناظر ملے ہوئے ہیں، اور ان میں سے زیادہ تر ہمارے بڑے شہروں کے مراکز سے نسبتاً قابل رسائی ہیں،" ہائیکر اور فوٹوگرافر مارک پائیبس وضاحت کرتے ہیں۔
جون بیوریل، کیمپنگ ریٹیلر ٹینٹ ورلڈ کے مالک ہیں، اور انہیں کیمپنگ کا شوق ہے اور وہ دوسروں کو صحیح سامان سے لیس ہونے میں مدد کرنا ان کے لئے ایک مثبت سرگرمی ہے
“مجھے کیمپنگ پسند ہے کیونکہ یہ مجھے اپنی عادات بدلنے پر مجبور کرتی ہے۔ سب کی طرح، میں بھی اپنے فون اور جدید زندگی کی سہولیات کا کچھ حد تک عادی ہوں۔ کیمپنگ پر جانا مجھے واقعی مجبور کرتا ہے کہ میں ایک قدم پیچھے ہٹ کر اپنے خاندان کے ساتھ زیادہ وقت گزاروں اور باہر کی سرگرمیوں سے لطف اندوز ہوں۔"
کوئینزلینڈ نیشنل پارک رینجر ایرن ایٹکنسن اس سے اتفاق کرتی ہیں۔ وہ کہتی ہیں کہ کیمپنگ ایک سستی اور با عمل سرگرمی ہو سکتی ہے، جس میں جنگلی حیات سے ملنے کا بھی موقع ملتا ہے۔
"آسٹریلیا ایک بہت بڑا ملک ہے جس میں بہت سے قدرتی علاقے ہیں، خاص طور پر ہمارے نیشنل پارکس میں، جو بالکل صاف اور غیر محفوظ حالت میں ہیں۔ یہاں مقامی جنگلی حیات سے بات چیت کا موقع ہے، چاہے وہ پرندے ہوں، زمینی جانور جیسے مقامی مارسوپیلز، کینگرو یا رینگنے والے جانور، یا ہماری وافر سمندری حیات کے ساتھ۔ نیشنل پارکس میں کیمپنگ بھی دراصل کافی بجٹ فرینڈلی ہے۔"
Jon Burrell camping with his family.
کیمپنگ پر جانے سے پہلے کن باتوں پر غور کرنا چاہیے؟
کیمپنگ ٹرپ کی منصوبہ بندی میں یہ سمجھنا شامل ہے کہ کون سا سامان اور ضرورت کی اشیاء لے جانی ہیں، کہاں اور کیسے کیمپنگ کرنی ہے، اور موسم و ماحول کا خیال رکھنا کتنا ضروری ہے۔
"کیمپنگ ٹرپ خراب کرنے کا بہترین طریقہ یہ ہے کہ آپ کہاں جا رہے ہیں اس بارے میں تحقیق نہ کریں۔ تو یہ جاننا کہ کسی کیمپ سائٹ کو بکنگز کی ضرورت ہے یا نہیں، اگر آپ کو رش پسند نہیں تو سال کے مصروف اوقات کیا ہوں گے، موسم کیسا ہوگا، یہ ایک بڑا عنصر ہے - آپ سردی یا بارش میں پھنسنا نہیں چاہتے،" مارک کہتے ہیں۔
اگر آپ ہجوم سے دور پرسکون وقت پسند کرتے ہیں تو اسکول کی چھٹیوں سے بچیں اور اپنے سفر کی منصوبہ بندی احتیاط سے کریں، ایرن کہتی ہیں۔
"کیا آپ کو کیمپنگ ایریا تک پہنچنے کے لیے فور وہیل ڈرائیو کی ضرورت ہے؟ کیا آپ پالتو جانور اس علاقے میں لے جا سکتے ہیں؟ اگر آپ ساحل پر جا رہے ہیں تو موسم کی پیش گوئی، مد و جزر چیک کریں اور ہمیشہ اس بات کو یقینی بنائیں کہ آپ کے پاس کیمپنگ اور گاڑی کا پرمٹ موجود ہے اس سے پہلے کہ آپ کسی علاقے میں سفر کریں۔ آپ یقینا ایک ایسے علاقے کا سفر نہیں کرنا چاہیں گے جہاں کا طویل راستہ طے کرنے پر آپ کو پتہ چلے کہ وہ پہلے ہی کسی اور نے بک کیا ہے"
جون مشورہ دیتے ہیں کہ اپنی پہلی کیمپنگ ایڈونچر کے لیے سادہ آغاز کریں۔
"کوشش کریں کہ ایسی جگہ منتخب کریں جہاں آپ پیچیدہ سامان کم سے کم لے جائیں ، شاید صرف ایک خیمے، گدا، سلیپنگ بیگ اور ایک ٹارچ جیسی بنیادی چیزیں شامل ہو سکتی ہیں ۔ آپ اپنا ابتدائی تجربہ حاصل کر سکتے ہیں ، مقامی پب میں کھانا کھا سکتے ہیں، اور پھر اگلے سفر میں آپ آگے بڑھ کر کھانا اور کھانے کی تیاری کے لیے ضروری سامان پیک کرنا شروع کر سکتے ہیں۔"
اور یقینی بنائیں کہ آپ موسم کے مطابق سامان پیک کریں۔
"درجہ حرارت واضح طور پر بہت اہم ہے - یقینی بنائیں کہ آپ کے پاس مناسب کپڑے ہوں، اور سلیپنگ بیگز جو رات بھر کے درجہ حرارت کے مطابق ہوں۔ یقینا بہت سے پہلی بار کیمپنگ کرنے والے اس بات پر حیرت زدہ ہو جائیں گے کہ رات میں کتنی سردی ہو سکتی ہے،" جون وضاحت کرتے ہے۔
There’s a wide range of camping gear you could consider taking, including a tent, bedding, table and chairs, cooking utensils, and food. Credit: Donovan de Souza
آپ کو کون سا کیمپنگ سامان ساتھ لے جانا چاہیے؟
- کیمپنگ کے سامان کی ایک رینج کو مد نظر رکھیں، جس میں ایک خیمہ، بستر، میز اور کرسیاں، کھانا پکانے کے برتن، اور کھانا شامل ہوں۔
- ضروری اشیاء میں پانی، خیمہ، سونے کا بستر، گدے، اور ایک ٹارچ شامل ہیں۔
- آرام دہ اضافی اشیاء بھی پیک کریں۔ جیسے کہ مارک کہتے ہیں ، "اگر آپ کیمپ سائیٹ تک گاڑی چلا کر جا رہے ہیں، تو آپ کے پاس گاڑی میں کافی جگہ ہو سکتی ہے، لہذا اضافی کمبل اور اپنا تکیہ گھر سے لے جائیں۔"
- اگر جگہ اجازت دیتی ہو تو ایک اعلی کوالٹی ایئر بیگ بھی مد نظر رکھیں۔
- مچھر مار لوشن، سن اسکرین، فرسٹ ایڈ کٹ، اور کسی بھی خاص سرگرمی کے لیے سامان جیسے کہ ماہی گیری کا سامان، نہانے کا لباس، کھیلوں کا سامان یا گیمز پیک کریں۔
- جدید کیمپنگ کے سامان میں آرام اور ٹیکنالوجی کے بے شمار اختیارات موجود ہیں، جو بنیادی طور پر جگہ اور بجٹ کے اعتبار سے محدود ہوتے ہیں۔
- یہ فیصلہ کریں کہ آپ کو زیادہ متوازن سامان چاہیے یا ہلکا، زیادہ سستا آپشن۔
- روانگی سے پہلے اپنے سامان کو گھر پر سیٹ کریں اور آزما کر دیکھیں ۔
- اپنی کیمپ سائیٹ کو احتیاط سے منتخب کریں، ہموار زمین، سیلاب کا خطرہ، نزدیک کی سڑکیں اور لٹکتی شاخوں جیسے خطرات کو چیک کریں۔
Queensland national park ranger Erin Atkinson.
کیمپنگ کے اچھے آداب کیا ہیں؟
یہ انتہائی اہم ہے کہ آپ ایک خیال رکھنے والے کیمپر ہوں — دوسروں کا احترام کریں اور مقامی اصولوں کی پیروی کریں، ایرن مزید کہتی ہیں۔
"اس لیے شور کم سے کم رکھیں ، خاص طور پر اندھیرے کے بعد اور صبح کے ابتدائی گھنٹوں میں۔ اور جب آپ اپنا خیمہ لگا رہے ہوں، تو لوگوں کو جتنا ممکن ہو جگہ دیں، اپنے کیمپنگ کے نشان کو زیادہ دور نہ پھیلائیں، اور ہمیشہ کیمپ گراؤنڈ کے اصولوں کی پابندی کریں۔"
کیمپنگ کرتے وقت، کچرا نہ ڈالیں اور نہ ہی مقامی پودوں کو نقصان پہنچائیں، اور اپنا کچرا گھر لے جائیں۔
"کوشش کریں کہ کوئی نشان نہ چھوڑیں۔ جو کچھ بھی آپ لاتے ہیں اسے پیک کریں اور کیمپ سائٹ کو ویسے ہی یا اس سے بھی بہتر حالت میں چھوڑ جیسا آُ نے پایا تھا۔ نیشنل پارکس میں سب کچھ محفوظ ہے۔ تو اگر آپ کسی پودے کو نقصان پہنچائیں یا کسی محفوظ علاقے کو نقصان پہنچائیں تو آپ کو جرمانہ بھی مل سکتا ہے،" ایرن کہتی ہیں۔
کیمپ فائر صرف مخصوص جگہوں پر لگانا چاہیے، اور روانگی سے پہلے آگ مکمل طور پر بجھا دیں۔
اگر آپ جنریٹر استعمال کرتے ہیں تو جون کہتا ہے کہ شور کا خیال رکھیں۔
"بہت سے نیشنل پارک آپ کو جنریٹرز لینے کی اجازت نہیں دیتے، لیکن اگر آپ کو اجازت ہے تو عام طور پر سات بجے تک انہیں بند کرنے کی سفارش کی جاتی ہے۔ اسی طرح اونچی آواز والی موسیقی کے معاملے میں، اور یہ نوجوان خاندانوں کو مدنظر رکھتے ہوئے ہے جو شاید اپنے بچوں کو سلانے کی کوشش کر رہے ہیں۔"
کیمپنگ کے بارے میں مزید معلومات کہاں حاصل کی جا سکتی ہیں؟
- کیمپنگ کے لیے روانہ ہونے سے پہلے مقامی علاقے کے بارے میں آن لائن تحقیق کریں۔
- فائر بینز اور موجودہ حالات جیسے کہ موسم کے حالیہ پیش گوئیوں کو جاننے کے لیے محکمہ موسمیات کی ویب سائٹ چیک کریں۔
- کیمپنگ علاقے یا نیشنل پارک کی آفیشل ویب سائٹ کا دورہ کریں تاکہ تازہ ترین معلومات حاصل کی جا سکیں۔
- عملی مشورے کے لیے مقامی رینجر آفس یا سیاحتی معلومات مرکز میں جائیں۔
- قریبی شہروں میں موجود مقامی وزیٹر سینٹرز کا استعمال کریں تاکہ مشورے اور کم معروف مقامات کے بارے میں جان سکیں۔
Subscribe to or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Send us an email to australiaexplained@sbs.com.au
