اہم نکات
- آسٹریلیا کے تمام آئی وی ایف کلینکس کا ڈیٹا حکومت کی مالی معاونت سے چلنے والی ایک ویب سائٹ پر دستیاب ہے۔
- ماہرین مشورہ دیتے ہیں کہ تولیدی کلینک کے انتخاب کے وقت مختلف عوامل کا جائزہ لینا چاہیے۔
- اس بات کو یقینی بنائیں کہ آپ سرکاری فنڈ سے فراہم کی جانے والی تولیدی خدمات کے لیے اہل ہیں یا نہیں۔
- تولیدی مشاورت آپ کو اور آپ کے شریکِ حیات کو اپنے علاج کے ممکنہ نتائج کو سمجھنے اور اُن کے لیے ذہنی طور پر تیار ہونے میں مدد دیتی ہے۔
- آئی وی ایف کلینک کا انتخاب کیسے کیا جائے؟
- IVF علاج کون فراہم کرتا ہے؟
- کیا IVF مہنگا ہے؟
- کیا IVF واحد آپشن ہے؟
- کیا IVF کے انتخاب میں آپ کو مدد ملے گی؟
1978 میں دنیا میں پہلی کامیاب آئی وی ایف (IVF) کے بعد سے اب تک اندازہ ہے کہ دنیا بھر میں ایک کروڑ سے ایک کروڑ تیس لاکھ بچے ان وِٹرو فرٹیلائزیشن کے ذریعے پیدا ہو چکے ہیں۔
آسٹریلیا اُن ممالک میں شامل ہے جہاں آبادی کے تناسب سے آئی وی ایف کے سب سے زیادہ علاجی مراحل انجام دیے جاتے ہیں۔
تازہ دستیاب اعداد و شمار کے مطابق، 2022 میں آسٹریلیا میں پیدا ہونے والے ہر 16 میں سے ایک بچہ آئی وی ایف کے ذریعے وجود میں آیا۔
یہ اعداد و شمار آسٹریلین اور نیوزی لینڈ اسسٹڈ ری پروڈکشن ڈیٹابیس (ANZARD) کی جانب سے جمع کردہ معلومات پر مبنی ہیں۔
پروفیسر جارجینا چیمبرز، یونیورسٹی آف نیو ساؤتھ ویلز میں اُس تحقیقی یونٹ کی سربراہی کرتی ہیں جو اس قومی آئی وی ایف رجسٹری کو چلاتا ہے۔
پروفیسر چیمبرز کہتی ہیں، "ہمیں کلینکس کی جانب سے آئی وی ایف کے سو فیصد مراحل کی رپورٹنگ موصول ہوتی ہے، کیونکہ اگر ایسا نہ کیا جائے تو یہ ان کے ضابطۂ اخلاق اور لائسنسنگ معاہدے کے خلاف ہوگا۔"
