ایجڈ کیئر اصلاحات: نئے نظام کے تحت ضعیف اور معمر افراد کی دیکھ بھال کے لئے زیادہ ادائیگی کون کرے گا؟

طویل انتظار کے بعد ایجڈ کیئر ایکٹ یکم نومبر سے نافذ ہو گیا ہے،چار سال قبل رائل کمیشن کی جانب سے شعبے میں بڑے پیمانے پر اصلاحات کی سفارش کے بعد یہ قانون متعارف کروایا گیا ہے۔ وفاقی حکومت کا کہنا ہے کہ یہ قانون بزرگ آسٹریلین باشندوں کو گھروں میں دیکھ بال کی بہتر خدمات تک رسائی دے گا، تاہم خدشہ ظاہر کیا جا رہا ہے کہ بہت سے افراد کو دیکھ بھال کی زیادہ قیمت ادا کرنی پڑ سکتی ہے۔

A new Aged Care Act comes into force on November 1, coinciding with the launch of the new Support at Home program. Source: Getty / PIKSEL/Getty Images

LISTEN TO

ایجڈ کیئر اصلاحات: نئے نظام کے تحت ضعیف اور معمر افراد کی دیکھ بھال کے لئے زیادہ ادائیگی کون کرے گا؟

SBS Urdu

07:28Urdu

 عمر رسیدہ آبادی میں اضافے کے باعث آسٹریلیا کو بزرگوں کی نگہداشت کی خدمات کی بڑھتی ہوئی طلب کا سامنا ہے۔

۲۰۲۳ کی ایک انٹرجییشنل رپورٹ کے مطابق اگلے 40 سالوں میں 65 سال سے زائد عمر کے افراد کی تعداد دگنی اور 85 سال سے زائد عمر کے افراد کی تعداد تین گنا ہو جائے گی۔ اولڈر پرسنز ایڈوکیسی نیٹ ورک کے سی ای او کریگ گیر کے مطابق یہ صورتحال حکومتوں کے لیے ایک بڑا چیلنج ہے۔

تاہم، نئے فنڈنگ ماڈل کے حوالے سے کمیونٹی اور سماجی نمائندوں میں تشویش پائی جا رہی ہے۔

نئے قانون کے تحت موجودہ ہوم کیئر پیکجز نظام ختم کر کے سپورٹ ایٹ ہوم پروگرام متعارف کرایا جائے گا جس میں صارفین کو اپنی خدمات کے اخراجات کا بڑا حصہ خود ادا کرنا ہوگا۔گرین پارٹی کی بزرگوں کے امور کی ترجمان سینیٹر پینی آلمن-پین کے مطابق یہ نظام نجی فراہم کنندگان کے فائدے میں جائے گا۔

حکومت پہلے ہی رائل کمیشن کی چند سفارشات پر عمل کر چکی ہے، جن میں ایجڈ کیئر کارکنان کی تنخواہوں میں اضافہ اور نرسنگ ہومز میں بہتر نگرانی جیسے اقدامات شامل ہیں۔۔کریگ گیر کے مطابق یہ تبدیلیاں ایجڈ کیئر کے ایک نئے دور کی نمائندگی کرتی ہیں۔

___________________________________________

کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو 

ہر بدھ اور جمعہ کا پورا پروگرام اس لنک پرسنئے ، اردو پرگرام سننے کے اور طریقے ، “SBS Audio” کے نام سے موجود ہماری موبائیل ایپ انسٹال کیجئے ایپیل (آئی فون)  یا اینڈرائیڈ ڈیوائیسز پر انسٹال کیجئے پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے: Spotify Podcast ، Apple Podcast