ڈبل ڈیکر بسوں کی شہر قائد میں واپسی صرف ٹرانسپورٹ منصوبہ نہیں بلکہ کراچی کے ماضی سے جڑا ہوا ایک خوبصورت احساس بھی ہے، بالائی منزل سے شہر کا نظارہ، سمندر کی ہوا اور پرانی یادوں کی خوشبو، یہ سب مل کر سفر کو ایک نیا مگر مانوس تجربہ بنا رہے ہیں، پیپلز بس سروس سینئر آپریشن مینجر عبدالشکور کہتے ہیں کراچی کی عوام مبارکباد کی مستحق ہے، اس منصوبے کی بدولت پرانے کراچی کی یادیں تازیں ہوں گے، بس میں اے سی سروس سمیت دیگر تمام جدید سہولیات موجود ہیں، انہوں نے مزید بتایا کہ ڈبل ڈیکر بسوں کا پہلا روٹ ملیر ہالٹ سے شروع ہو کر فوارہ چوک زینب مارکیٹ تک ہوگا، تاہم بسوں اور روٹس کی تعداد میں جلد اضافہ کیا جائے گا، شہری امید ظاہر کر رہے ہیں کہ یہ قدم کراچی میں پبلک ٹرانسپورٹ کے بہتر مستقبل کی طرف ایک مثبت پیش رفت ثابت ہوگا اور شہر ایک بار پھر اپنی روایتی رونقیں واپس حاصل کر سکے گا۔
ایس بی ایس اردوکیلئے یہ رپورٹ پاکستان سے احسان خان نے پیش کی ہے۔
_______________
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے
